Saboh riwayat narit lon peutroh
di nanggroe jiouh haba lon rika
Ulon nak peugah masalah lampouh
hajat lon beutrouh lage lon laya
Glee dengon blang seureuta lampoh wajeb
rakan beu tateem jaga
Keu aneuk cuco atra nyan ta trouh
Bek publoe lampouh kiban yang suka
Dilee kon indatu geutrouh
geukubah lampouh bak taseumula
Tapi ouh jinoe asa ka putoh
Ubeena lampouh kabeeh lam gala
.png)
Kabeih jipubloe keu ureung jioh
rap mandum lampoh kareheut keu Cina
Lheu that dum Ceupang ngen Korea trouh
Jimita lampouh bak ji usaha
Di wareeh tanjoe hana peunutuouh
geupubloe lampouh laju le lanja
Asai lam reugam beulanja meureutoh
Ubeena lampouh geupubloe sigra
Jino hai abu rame ka yang trouh
jak mita lampouh u Aceh raya
Di pemerintah pih lagee rimueng bulouh
abeih geujak trouh investo luwa
Di pemerintah akay hana trouh
abeeh dum lampouh ka geujak peugala
Keu perkebunan atranya gubouh
geubaloet ngen nan HGU nama
Pakon han geujok keu ureung putoh
Yang hana lampouh bak neu seumula
Keupu tajak jouk keu awak ban trouh
Nyan cara tikoh bak reubot kuasa
Dua uroe teuk ka ubeut lampouh
hana pat piyouh dum aneuk bangsa
Suwah taminah beujiouh-jiouh
saweub di lampoh ka gop po atra
Laju di pageu kawat dum jitrouh
asee deumeurouh jiboh yang jaga
Bek na'an beutoe taneuk eu lampouh
deuh teuh dari jouh jidrouh meubura
Lam krueng geutanyoe ji peulheuh ngen brouh
hana jipiyouh si umu masa
Yaitu krueng ka kutoe dengon broeh putoh
Oh keunoeng tuboh gatay leupah na
Tajak u Calang beutrouh u Meulaboh
siat tapiyouh di Nanggroe Daya
Bek lee bak musang yu jaga geurupoh
kaseep teungku beh lagee yang ka ka
Ateuh Glee Jantho ureung meulampoh
ateuh Gunong Goh ureung meurusa
E Pak Gubernur sunggouh-sunggoh
mantong le tikoh dalam istana
Pemimpin Aceh jinoe beu tanggouh
bek le bi lampoh keu awak luwa
Bek bacut na fi keu droeneuh jibouh
Kabeeh dum lampouh neujak peugala
Keu aneuk cucoe lampouh nyoe ta trouh
bek sampe runtouh iman lam dada
Sayang that rakyat hana pu pajouh
Rumoh geunak trouh lampouh geuh hana
Sijuk that jipoet angen Gunong Goh
Wate oh beungeoh leupi leupah na
Mumada oh noe hikayat lampouh
Hana meutanggoh lon sambong haba.
Posting Komentar untuk "hikayat dalam lampoh"